الاثنين، 30 نوفمبر 2015

كورس سوفت وير ,,المحاضرة الاولى ..الفرق بين الريكفرى مود والداون لود مود والهارد ريسيت

بسم الله الرحمن الرحيم 

اليوم ان شاء الله  ابدأ معكم اولى محاضرات كورس السوفت وير للسامسونج اندرويد

احاضرة الأولى بعنوان مصطلحات يجب ان تعرفها

 هناك مصطلحات يجب ان تعرفها وتفهمها جيدا لأنك سوف تستخدمها فى كل مره تسطب فيها سوفت وير للموبايل

download mode

وضع الداون لود مود ده الوضع اللى بيكون فيه الموبايل السامسونج جاهز للتفليش او لتسطيب السوفت وير

وبتكون الصورة فى الموبايل فى هذا الوضع كالتالى


طيب ازاى نقدر ندخل الوضع ده 

موبايلات السامسونج جلاكسى بتدخل الوضع ده اما عن طريق الازرار التاليه

زرار خفض الصوت + زرار الهوم + زرار الباور 

هتظهرلك قائمة تضغط زرار تعلية الصوت هتظهرلك القائمة السابقه انت كده فى وضع الداون لود مود
 
وانواع اخرى زرار تعلية الصوت + زرار توطية الصوت + زرار الباور 

هتظهرلك قائمة تضغط زرار تعلية الصوت هتظهرلك القائمة السابقه انت كده فى وضع الداون لود مود

كده الموبايل جاهز لتسطيب السوفت وير من الكمبيوتر وفى المحاضرات القادمة ان شاء الله تكملة طريقة التسطيب

recovery mode

الريكفرى مود او قائمة الاسترجاع دى القائمة اللى عن طريقها بتقدر تعمل زى استعادة ضبط مصنع للموبايل و تقدر مسح للبيانات من الهاتف ومسح الكاش وتسطيب بعض البرامج وتسطيب الروت

احنا اللى يخصنا فيها  عمل ضبط المصنع عشان ضروى تعملة بعد السوفت وير عشان فية موبايلات بتفضل واقفه على سامسونج او بتعمل ريستارت لحد متعمل الهارد ريسيت وفى موبايلات مش بتمسح البيانات من الموبايل حتى بعد عمل السوفت وير الا بعد عمل هارد ريسيت

طيب ازاى بتدخل القائمة دى 

90% من الموبايلات السامسونج بتدخل الوضع ده عن طريق الازرار التالية 

زرار تعلية الصوت + زرار الهوم + زرار الباور 

بعد ما الموبايل يجيب سامسونج بتشيل ايدك من على زرار الباور وتقفضل ضاغط على الهوم والصوت لحد ما الموبايل يدخل قائمة الريكفرى وبتكون الصوره كالتالى 


انت كده فى قائمة الريكفرى مود 

hard reset

الهارد ريسيت ده هو استعادة ضبط المصنع فى الموبايلات الاندرويد

وهو مرتبط بقائمة الريكفرى مود 

بمعنى انك بتدخل قائمة الريكفرى مود وبتختار منها اختيار wipe data/factory reset

ثم بتختار wipe cashe partition

وبعدين يتعمل reboot system now  عشان الموبايل يعمل ريستارت وبكده بتكون عملت ضبط المصنع

ملحوظه

 التحرك داخل قائمة الريكفرى مود بيكون عن طريق ازرار الصوت والاختيار عن طريق زرار الباور

 وفى موبايلات اخرى الاختيار عن طريق زرار الهوم  

وفى موبايلات اخرى التحرك عن طريق زرار خفض الصوت والاختيار عن طريق زرار تعلية الصوت

ارجو من الله ان اكون قد افدتكم ولو بمعلومه بسيطه وفى الغد ان شاء التكمله

السبت، 28 نوفمبر 2015

ماهو الروت,ازاى اعمل روت,ما فائدة الروت,روت للموبايل

السلام عليكم ورحمة الله وبركاته

ما هو الروت ومافائدته

كتير مننا بيسمع ان الموبايل ده معموله روت
وكتير مش بيكون عارف ايه هو الروت 
وكتير بيسأل طيب انا بعد ما اعمل روت هستفاد ايه ؟

انا هشرحلك بشكل مبسط ايه هو الروت 

جميعنا يعلم ان الهواتف الذكية بنظام الاندرويد يجب عمل روت لها لتستطيع بذلك التحكم الكامل بجهازك ، فكما نعلم الروت (Root)هو عملية برمجية نقوم بها في نظام الأندرويد للوصول لجذر النظام وبالتالي التحكم الكامل في إعداداته وجعل التطبيقات التي تتطلب هذه العملية قابلة للتثبيت والعمل على أجهزتنا. لذلك هناك طريقة نعرفها جميعا وهي معقدة شيء ما وتحتاج أن تكون على دراية كاملة بما تفعله ، لكن اليوم عزيزي القارئ ستتعرف معي على طريقة أخرى أسهل وأسرع لعمل روت لهاتفك الذكي بنظام الاندرويد

يعنى بطريقه سهله وبسيطه الروت ده صلاحيه بتخليك توصل لمناطق فى الموبايل مش المفروض المستخدم العادى يوصلها
وبيخليك تقدر تسطب برامج مكانتش بتتسطب قبل كده وانك تسطب الرومات المعدله او المطبوخه

هتقولى طيب انا عملت روت هستفاد ايه بقى 

  هقولك تقدر تسطب برامج ال vpn 

تركيب او تثبيت رومات مخصصة، او تركيب الريكفري المخصص وهو مختلف عن ريكفري اندرويد الاصلي بميزات اوسع.

القيام بعمليات النسخ الاحتياطي الكاملة مع معلومات التطبيقات و إسترجاعها لاحقًا او تجميد التطبيقات كما في برنامج تيتانيوم باك اب.

تعديل في ملفات النظام مثل التعريب او اضافة مميزات جديدة.

تغيير نوع الخط في الاندرويد.

الحذف او التعديل على تطبيقات نظام اندرويد الاساسية.
تغير نمط الملفات كما في اجهزة سامسونج من من FAT إلى ext2 وهذا ما يسمى بعملية  OCLF لاق فكس.
اذا كنت مبرمجًا سوف تحتاج الروت بشكل اكيد وخاصة في بناء تطبيقات قد تحتاج الى صلاحيات روت.
تغير الاي بي IP في جهازك والذي يُمكنك من فتح سوق جوجل بلاي الامريكي وتحميل التطبيقات والالعاب منه.
تشغيل التطبيقات التي تحتاج الى صلاحية الروت.


عيوب الروت 

الروت بيخرج الموبايل من الضمان

هتقولى ما كده معملناش حاجه انا استفدت ايه

هقولك انك تقدر تلغى الروت عن طريق تنزيل روم اصلى خالى من الروت وبكده تقدر ترجع الموبايل تانى للضمان

طيب تعالوا نعرف مع بعض ازاى اقدر اعمل روت

طرق الروت متعدده

ولكن اسهلها واسرعها برامج الروت اللى بتتسطب على الكمبيوتر وتوصل الموبايل وتعمل روت 

vroot
رابط التحميل