السبت، 5 ديسمبر 2015

المحاضرة الثالثه والاخيرة,كورس سوفت وير سامسونج جلاكسى,بعنوان تفليش الموبايل




اليوم المحاضرة الثالثه والاخيره فى كورس سوفت وير سامسونج جلاكسى 

وهى المحاضره العملى بعنوان تفليش الموبايل او تسطيب الروم

طيب فى المحاضرة السابقة قولنا ان فى حاجات ضروريه قبل التفليش
ومن باب المراجعه هى 

كمبيوتر

برنامج التفليش  


التعاريف او الدرايفرات 


كابل usb

الروم او الفلاشة المناسبه

خطوات تسطيب الروم

بعد تنزيل الروم المناسب وفك الضغط عنه

بتلاقى ان الروم عبارة عن ملف واحد 

وفى احيان اخرى بتكون الروم 4 ملفات 


طيب ايه الفرق

هقولك ان الروم الملف واحد ده اسمة روم مكمل وفى بعض الاحيان عند تسطيب الروم المكمل لا تفقد البيانات التى على الموبايل

الروم ال 4 ملفات ده اسمة روم ماسح او معالج يقوم بمسح الفلاشة القديمة نهائيا وتسطيب الروم من جديد ولابد معه من مسح البيانات من الموبايل


شرح برنامج التفليش

برنامج التفليش او الاودين odin هو برنامج صغير ومجانى من شركة سامسونج

ودى صورته





بعد ما بتسطب الدرايفرات وبرنامج التفليش وتحمل الروم المناسب وتفك الضغط عنه

 كده انت جاهز لعمل السوفت وير

بتدخل الموبايل فى وضع الداون لود مود عن طريق الازرار الاتية

 زرار خفض الصوت + زرار الهوم + زرار الباور

بتوصل الموبايل على الكمبيوتر عن طريق كابل ال usb وتفتح برنامج الاودين كما فى الصورة التاليه




بتلاقى علامة على اليمين زرقاء دى معناها ان الموبايل متوصل وجاهز
 لعمل السوفت وير

ولكن ملحوظه لابد من ادخال الموبايل وضع الداون لود مود وتسطيب الدرايفرات قبل فتح برنامج الاودين

لو الفلاشة اللى انت منزلها ملف واحد بتختار ايقونه pda كما فى الصورة التاليه


وتختار الروم اللى انت منزله وبتستنى حوالى دقيقه عشان البرنامج بيحمل بيانات الروم 

وبعد التحميل بتضغط start كما فى الصورة التاليه



بيبدا الموبايل فى تسطيب الروم بتسيب الموبايل متفصلوش
ومتوصلش حاجه على ال usb

حتى ينتهى البرنامج من تسطيب الروم بياخد حوالى 5 دقائق حسب الموبايل

وبعد ما يخلص بتكون صورته كالتالى 


كده الموبايل خلص السوفت وير وتقدر تفصل الموبايل وتعمل هارد ريسيت كما شرحنا فى المحاضرة السابقه

ومبروك عليك السوفت وير

اما فى حالة ان الروم 4 ملفات

ف بتختار

bootloader 

 من الفلاشة هتلاقى ملف اسمة bootloader او boot

pda

من الفلاشة هتلاقى ملف اسمة pda او ap

phone 

من الفلاشة هتلاقى ملف اسمة modem او cp

csc

هتلاقى من الفلاشة ملف اسمة csc

ولو لقيت فى الفلاشة ملف  txt الامتداد بتاعه pit

بتختاره فى اول ايفونه فوق مكتوب جمبها pit

وبتعلم على repartition

كما فى الصوره التالية 


وبتدوس start وبتكمل عادى لحد ما الموبايل يخلص وتعمل هارد ريسيت


وده رابط التفليش بالفيديو للمساعده


كده احنا خلصنا وفى النهاية ارجو من الله انى اكون قد وصلت الفكرة بطريقه مبسطه

واى استفسار تحت امركم


الثلاثاء، 1 ديسمبر 2015

كورس سوفت وير سامسونج جلاكسى , المحاضرة الثانية , مقدمة عن السوفت وير والبرامج اللازمه لعمل السوفت وير



اليوم هو ثانى محاضرة من محاضرات كورس السوفت وير المبسط للسامسونج جلاكسى 


المحاضره بعنوان مقدمه هامه عن السوفت وير والبرامج اللازمه للعمل



اولا ايه هو السوفت وير؟ 

السوفت وير هو الجزء الغير ملموس فى اى جهاز الكترونى والذى لا يمكن التوصل اليه الا عن طريق الكمبيوتر واجهزة البرمجه

طيب هتقولى برده انا مش فاهم ..هقولك ان اى جهاز الكترونى بيتكون من جزء ملموس وجزء غير ملموس

الجزء الملموس ده الهارد وير او المكونات الصلبه

والجزء الغير ملموس هو السوفت وير او البرنامج 

هتقولى معنى كده ان السوفت وير ده هو البرنامج المشغل للموبايل ..هقولك بالظبط كده ولأى جهاز الكترونى

وبمعنى اخر ان السوفت وير زى الويندوز للكمبيوتر

والهاردوير زى ال CPU او الكيسه للكمبيوتر تمام لحد كدة..

طيب تعالوا نعرف مع بعض ازاى بنوصل الموبايل عشان نعملة سوفت وير


طيب الموبايل عشان يتوصل على الكمبيوتر ويتعملة سوفت وير لازم يكون فى  وسيط 

يعنى ايه وسيط؟؟ هقولك اجهزة البرمجه

اللى احنا  بنسميها بوكسات البرمجه

هتقولى انا معنديش بوكسات  هقولك خليك للأخر وانا هعرفك ازاى ممكن تستغنى عنها جزئيا

طيب اية هى البوكسات دى ؟؟

 دى اجهزة بتكون زى وسيط بين الموبايل والكمبيوتر بتدى اوامر للكمبيوتر عشان يعرف يكتبها للموبايل

ومن باب المعرفه اشهر بوكسات السامسونج بوكسس اسمة Z3X ودى صورته



طيب يعنى كده خلاص كمبيوتر وبوكس وخلاص؟؟

لاء لازم التعاريف او الدرايفرات اللى بتخلى الكمبيوتر يقرا الموبايل ويعرف يتعامل معاه

والتعاريف بتاعت اجهزة السامسونج جميعها بتسطب البرنامجين
 من شركة سامسونج بتتعرف وبتبقى الدنيا تمام



طيب ياعم خلاص كدة؟؟ 

لاء طبعا انت مستعجل على اية لازم يكون معاك كابل usb اللى هتوصل بية الموبايل على الكمبيوتر 

خلاص كدة ولا لسة حاجه تانى ياعم؟؟

هقولك كده مش فاضل غير انك تحمل الروم المناسب للموبايل 

ايه الروم ده ياعم؟؟ 

الروم ده هو ملف السوفت وير

طيب كده من باب المراجعه احنا محتاجين اية عشان نعرف ننزل سوفت وير للموبايل؟؟

كمبيوتر 

بوكس 

كابل usb 

درايفرات

الروم المناسب للموبايل

طيب احنا كده خلاص جاهزين نعمل السوفت وير

كده مش فاضل غير انك تعرف ازاى هتسغنى عن البوكس 
ويعنى ايه هستغنى عنه جزئيا؟؟

هتحمل البرنامج ده برنامج صغير ومجانى هيخليك تستغنى عن البوكس وتعمل سوفت وير لأى موبايل سامسونج جلاكسى

دول نسختين مختلفتين حمل اى واحد



يعنى ايه بقى هستغنى عن البوكس جزئيا؟؟

البوكس ده حاجه اساسية لأى فنى  سوفت وير لانة هو الوحيد القادر على تصليح السيريال نمبر وتصليح الشبكة وعمل انلوك وحاجات كتير

يعنى باختصار البرنامج هيخليك تعمل سوفت وير فقط لاغير

طيب احنا كده خلاص مطلوب منك تفهم المحاضرة دى كويس جدا عشان دى اللى مبنى عليها الجزء اللى جاى وهو تسطيب السوفت وبر

غدا نلتقى ان شاء الله..